Суспендираните честици во воздухот имаат различна големина и се мерат во микрони или микрометри.
Големината на честиците е директно поврзана со нивниот потенцијал за предизвикување на здравствен
проблем. Честиците со дијаметар помал од 10 микрометри претставуваат најголем проблем за вашето
здравје, бидејќи можат да навлезат длабоко во белите дробови а некои и во крвотокот.
ПМ е сума од сите суспендирани цврсти или течни честици во воздухот. Тие се разликуваат по нивната
големина.ПМ 10 (µm/m³) e сума од честици кои можат да бидат вдишани а се со дијаметар помал или еднаков од 10 микрометри.

ПМ 2,5 (µm/m³) e сума од фини честици кои можат да бидат вдишани а се со дијаметар помал или еднаков од 2,5 микрометри.

ПМ 0,1 (µm/m³) e сума од ултрафини честици кои можат да бидат вдишани а се со дијаметар помал или еднаков од 0,1 микрометри.

AQI е индекс за дневено известување за квалитетoт на воздухот. За да ситуацијата со квалитет на
воздухот во европските градови се претстави на едноставен и споредлив начин, сите детални мерки се
трансформирани во една мерка: Индекс за Квалитет на воздухот или Општ Индекс за Квалитет на воздухот.
Тој базира на 3 главни загадувачки материи: ПМ10, NO2 и O3, а би можел да се надополни со 3 други
(CO,ПМ2.5 и SO2), доколку има детални информации.
Вредностите се актуализираат часовно (за оние градови за кои постои часовна информација) а се
претставени и индексите од минатите денови.
Кoлку е поголема вредноста на AQI, толку е поголемо и загадувањето и толку е поголемо влијанието врз
здравјето…

ХЕПА („HEPA“-high efficiency particulate air/arresting) филтер (филтер со висока ефикасност на
заробување на суспендирани честички) е изум на USA Atomic Energy Commission за време на проектот
„Manhattan“ (Втора светска војна) кога се увидело дека е потребен систем за прочистување на воздухот од
радиоактивни честици. ХЕПА филтерот е направен од стаклени влакна со случаен ред кои формираат
ткаенина. Овие ткаенини се обработуваат во дипли за да се максимизира допирната површина. Кога воздухот
поминува низ ХЕПА филтерот, честиците остануваат заробени во стаклените влакна и така се отстранети од
воздухот. До денес ова е докажано најефикасен начин за да се прочисти воздухот во затворени простории и
како таков овој начин се употребува во болници низ светот.

____________________

Отсуствотото на единствена светска класификација за ХЕПА филтерите и постојаниот напор на институциите
од различни земји да најдат решение за овој проблем, создава тешкотија за потрошувачите и
производителите да ги разберат и применат различните регулативи. Ќе се обидеме да ја објасниме оваа
проблематика и начинот по кој ние ги развиваме и дефинираме нашите филтри.

За да ги заштитат потрошувачите од производители на прочистувачи на воздух кои не произведуваат ХЕПА филтри, иако тврдат дека го прават тоа, Соединетите Американски Држави го воведоа US-Mil-standard 282.Тој дефинира дека еден филтер може да се нарече ХЕПА само ако отстранува еднакво или повеќе од 99,97% од честиците со големина еднаква или поголема од 0,3 микрони. За да се тестира интегритетот на ХЕПА филтерот се употребуваат дисперзирани честици од масло.
Европската Унија пак, го воведе EN 1822 стандардот, кој ги класифицира филтрите во 3 категории: EPA(Efficiency Particulate Air/arresting – ефикасно заробување на суспендирани честици) со опсег на ефикасност поголем од 85 до поголем од 99,5%; HEPA (High Efficiency Particulate Air/arresting-високоефикасно заробување на суспендирани честички) со опсег на ефикасност поголем од 99,95 до поголем од 99,995%; ULPA (Ultra Low Particulate Air- ултра ниско ниво со суспендирани честици) со опсег на ефикасност поголем од 99,9995%. За определување на класата се користи методот на „честици со најголема пенетрантност“ со големина еднаква или помала од 0,3 микрони.

Ефикасноста на ХЕПА филтерите се мери според големината на честици од 0.3 микрони бидејќи научно
докажано е дека овие честици најтешко се заробуваат со ХЕПА филтерите, што се објаснува преку четирите
начини на заробување на честици во стаклена волна. Потребно да се знае е дека со ХЕПА филтерот,
спротивно од логично размислување, не само честици поголеми од 0,3 микрони туку и честици помали од 0,3
микрони се полесни за заробување. Ова е многу важно бидејќи 90% од суспендираните честици во воздухот
се помали од 0,1 микрони.
ВАУРОН во своите повеќеслојни ХЕПА филтри користи Н13 класа на ХЕПА. Оваа густина на ХЕПА филтерот во
комбинација со Протокот на Воздух од повеќе од 500m3/h гарантира дека и со помалку измени на воздух а
за пократко време добивате чист воздух.
Комбинацијата од пред-филтер, ХЕПА филтер и активен јаглен е докажано најдобриот начин за конструирање
на повеќеслоен филтер за прочистување на воздухот.

Јонизаторот е апарат кој користи висока волтажа за да јонизира воздушни молекули. ПМ честичките, слично
на статичкото привлекување, се привлекуваат со наелектризираните честици (jони). Овие јони се
дејонизираат на површините како ѕидови, плафони и мебел. Загадувачите на воздухот не се перманентно
отстранети од воздухот, како што е случај со ХЕПА филтрите, туку само ја изгубиле „способноста“ да
летаат во воздухот во затворениот простор. Ефектот на „црн ѕид“ е вообичаен при овој процес а е исто
така е и доказ дека овој начин на филтрација на воздухот е со ограничен опсег, т.е. не може да го
прочисти воздухот во една стандардна просторија.

„Исто така постои ризик дека соединетите честици можеби ќе пронајдат соодветна површина на која би се
фатиле како што е вашиот респираторен систем, закачувајќи и напластувајќи се на неговите ѕидови“

____________________
Јонизаторите продуцираат озон. Повеќето од нив продуцират количина на озон која според американската
агенција за заштита на околината „ЕРА“ е помала од дозволената и смеат своите продукти да ги наречат
„без озон“, иако тоа не е факт.
„Дури и најдобрите јонизатори продуцираат мало количевство на озон- О3-кое е непожелно“.

 „На крајот и онака овие продукти не функционираат, така што зошто некој би сакал да се изложува на
количество озон кое додадено на озонот кој и онака е во домот сигурно нема добро да му влијае?“

извор: www.Webmd.Com
____________________

Комбинацијата од ХЕПА филтрација и јонизатор е против логиката на прочистување со ХЕПА филтер. На доброконструиран ХЕПА филтер потребен му е голем проток на воздух за да ја максимизира циркулацијата навоздух, а со тоа да го максимизира волуменот на суспендирани честички кои поминуваат низ ХЕПА филтеротсо што би биле перманентно отстранети. Ако со јонизацијата способноста на честиците да летаат е намалена, тогаш за секој прочистувач ќе е потешко да ги фати со ХЕПА филтерот, бидејќи тие ќе се залепени за различните површини во просторијата.

____________________

Бидејќи јонизаторите имаат слаб перформанс и се со потенцијален ризик по здравјето, ВАУРОН во своите
прочистувачи не вградува јонизатори.

Прочитајте ги следните изјави за прочистувачи на воздух со генератори на озон објавени од различни
организации.
____________________

„Озонот е моќен иритант на белите дробови а изложеноста на покачено ниво на озон придонесува за
влошување на состојбата на оние со белодробно заболување. Озонот е особено опасен за луѓе со астма или
друго хронично белодробно заболување, деца и постари лица…“
Дознајте повеќе на следниот линк!

извор: American lung association(www.Lungusa.Org)
____________________

„Како е штетен озонот? Кога ќе се вдише озонот може да ги оштети белите дробови. Релативно мали
количини можат да предизвикаат болка во градите, кашлање, краток здив и иритации на грлото. Озонот исто
така може да ги влоши хроничните респираторни болести како астмата и да ја компромитира можноста на
организмот да се бори против респираторни инфекции. Произведувачите и продавачите на производи со
озонери често користат збунувачки термини за да го опишат озонот. Термините како „енергизирачки
кислород“ или „без примеси/чист воздух“ наведува на тоа дека озонот е здрав кислород. Озонот е токсичен
гас со многу различни хемиски и токсични својства од кислородот. Некои агенции од Соединетите
Американски Држави имаат воспоставени стандарди или препораки за да се ограничи изложеноста на човекот
на озон…“

извор: US Environmental Protection Agency (www.Epa.Gov)
____________________

„Калифорнискиот борд за воздушни ресурси во вторникот ги забрани популарните прочистувачи на воздух со
озон, со изјава дека студиите покажале дека тие можат да ги влошат состојбите на астма што пак
продавачите велат дека помагаат да ги спречат…“

Прочистувач базиран на вода филтрира само мала група на суспендирани честички (нерастворливите
честици). Ефикасноста на прочистувањето со вода е неспоредлива со ефикасноста на прочистувањето со
ХЕПА/ активен јаглен. Друг проблем е што водата во домот може да воведе уште една опасност а тоа е
мувлата. Мувлата може да се создаде во самиот прочистувач или во вашата просторијата бидејќи
прочистувачите базирани на вода придонесуваат кон поголем степен на влажност.

Ефективноста на еден прочистувач на воздух е резултат од:

Протокот на чист воздух (ADR), ХЕПА филтерот и вкалкулираните измени на чист воздух во еден час(ACH).

____________________

Протокот на воздух (ADR) e волумен на воздух кој минува низ прочистувачот во еден час (m3/h).
– поголем ADR=повеќе воздух ќе мине низ прочистувачот во 1 час.
– помал ADR=помалку воздух ќе мине низ прочистувачот во 1 час.

____________________

Секој ХЕПА филтер има свој степен или густина (на пр. класа H13) и специфична површина.
-Ако ХЕПА филтерот е од пониска класа, повеќе воздух ќе помине низ него, но помалку суспендирани
честици ќе бидат заробени.
-Ако ХЕПА филтерот е од повисока класа, помалку воздух ќе мине низ него, но повеќе суспендирани честици
ќе бидат заробени.
-Ако површината на ХЕПА филтерот е помала, помалку воздух ќе мине низ него.
-Ако површината на ХЕПА филтерот е поголема, помалку воздух ќе мине низ него.

____________________

„Измени на воздух во еден час“ (ACH) дава информација колку пати прочистувачот ќе го исфилтрира
воздухот во просторијата во еден час. Оваа информација е многу значајна за купувачот, но во исто време
може и погрешно да го насочи. Не постојат глобални или локални регулации колку пати треба да се измени
воздухот во еден час за да се оствари ефикасно прочистување во затворен простор. Затоа производителите
за пресметување на максималната површина кој апрочистувачот ја опслужува користат од 2 до 6 измени на
час. За да подобро ја разберете важноста на релацијата меѓу „Измените на воздух во еден час“ (ACH) и
површината на просторијата, Ве молиме разгледајте го едноставниот математички метод прикажан подолу.
____________________

ПРИМЕР 1: ПРОЧИСТУВАЧ СО ADR ОД 150m3/h
АCH=2; 150m3/h / 2 (ACH)=75m3 /2.5 (висина на просторија)=30m2 (предложена површина на просторија)
АCH=4; 150m3/h / 4 (ACH)=37.5m3 /2.5 (висина на просторија)=15m2 (предложена површина на просторија)
АCH=6; 150m3/h / 6 (ACH)=25m3 /2.5 (висина на просторија)=10m2 (предложена површина на просторија)ПРИМЕР 2: ПРОЧИСТУВАЧ СО ADR ОД 300m3/h
АCH=2; 300m3/h / 2 (ACH)=150m3 /2.5 (висина на просторија)=75m2 (предложена површина на просторија)
АCH=4; 300m3/h / 4 (ACH)=75m3 /2.5 (висина на просторија)=30m2 (предложена површина на просторија)
АCH=6; 300m3/h / 6 (ACH)=50m3 /2.5 (висина на просторија)=20m2 (предложена површина на просторија)ПРИМЕР 3: ПРОЧИСТУВАЧ СО ADR ОД 450m3/h
АCH=2; 450m3/h / 2 (ACH)=225m3 /2.5 (висина на просторија)=90m2 (предложена површина на просторија)
АCH=4; 450m3/h / 4 (ACH)=112.5m3 /2.5 (висина на просторија)=45m2 (предложена површина на просторија)
АCH=6; 450m3/h / 6 (ACH)=75m3 /2.5 (висина на просторија)=30m2 (предложена површина на просторија)

____________________

Пресметувајќи со 2 измени на воздух на час произведувачот на прочистувачи може за неговиот прочистувач
со моќност од 150m3/h да наведе дека е соодветен за просторија од 30m2.
Пресметувајќи со 4 измени на воздух на час произведувачот на прочистувачи може за неговиот прочистувач
со моќност од 300m3/h да наведе дека е соодветен за просторија од 30m2.
Пресметувајќи со 6 измени на воздух на час произведувачот на прочистувачи може за неговиот прочистувач
со моќност од 450m3/h да наведе дека е соодветен за просторија од 30m2.

____________________

Како што е прикажано погоре, не секогаш купувачот може да се потпре на предложената површина на просторија која може да ја опслужува прочистувачот, туку треба самите да ја пресметаат. Ако вашата просторија е 30m2 а висината е 2.5m, значи волуменот изнесува 75m3. Ако сакате да имате 4 измени на воздух во час, тогаш одберете прочистувач со најмалку ADR od 300m3/h  (30m2 x 2.5m=75m3 x 4ACH=300m3/h).

____________________

Ве молиме имајте на ум дека прочистувач на воздух со моќност од 300m3/h ќе мора да работи во најголема
брзина, а со тоа да е и најгласен, за да обезбеди соодветно прочистување на соба од 30m2. Поради
дизајнот на движењето на воздухот кај сите прочистувачи на пазарот, загадувањето со бука, кое
произлегува од најголемата брзина на перката, не е соодветно за подолготрајна употреба. Нашата
препорака е да се купи прочистувач на воздух со поголем проток на воздух отколку математички потребниот
и можност за 4 измени на воздух во еден час со пониска брзина на перката.
____________________

Загадувањето на воздухот во затворени простории драстично варира во зависност од активностите во нив и
условите на надворешната средина. Ова значи дека често поставуваното прашање од загрижени купувачи:
„колку прочистувачи ми требаат за мојот стан од 90m2?“ не може да се одговори базирајќи на проста
математичка калкулација. Одговорот секогаш базира на индивидуалниот пристап со испробување и грешење,
кој со тек на време ќе покаже колку прочистувачи ви требаат за да обезбедите ефикасно прочистување со
мала бука во периоди на просечно загадување и периоди со високо загадување.

Познавањето на актуелната за ПМ1, ПМ2.5 и ПМ10 им овозможува на клиентите да го регулираат квалитетот
на воздухот по препораките на WHO (World Health Organization- Светска Здравствена Организација) кои
базираат на вредностите за ПМ2.5 и ПМ10 во воздухот. Моменталната повратна информација од прочистувачот
на воздух го конфронтира секого со неизбежноста на проблемот со квалитетот на воздухот во затворени
простории, помагајќи му секому да разбере дека иако не можеме да ја видиме, мириснеме или вкусиме
загаденоста на воздухот постои околу нас и тоа во големо количество.ВАУРОН прочистувачите на воздух имаат вградени сензори за ПМ1, ПМ2.5 и ПМ10 кои се прикажуваат на ЛЦД
екранот на допир на горната страна од прочистувачот, овозможувајќи Ви самите да одберете која вредност
на ПМ е соодветна за вас.ВАУРОН прочистувачите на воздух имаат вградени сензори за ПМ1, ПМ2.5 и ПМ10 кои се прикажуваат на ЛЦД
екранот на допир на горната страна од прочистувачот, овозможувајќи Ви самите да одберете која вредност
на ПМ е соодветна за вас.